TREMONIA

TREMONIA

Scriptoribus Germann. quae et Drotmania, Dortmund, urbs Westphaliae non contemnenda, inter Rhodam et Wernam proxima oppida, a Monasterio 6. leuc. Moguntiam versus, a Padeborna 8. Ferrar. Baudrando urbs est Germaniae, in Westphalia et in Comitatu Marchiae, ad amnem Empser, alias sui iuris, sed hodie sub dominio Electoris Brandeburgici. 7. milliaribus Germanicis a Monasterio in meridiem distat, et paulo minus ab Arensberga in occasum, uti 14. a Paderborna. Parva est, sed satis munita; estque inter Hanzeaticas comprehensa. Hîc Synodô habitâ Henricus II. Imperator luxum Clericorum coercuit, A. C. 1005. sicut postea in Synodo Noviomagensi, in S. cena panem ad dextram, calicem ad sinistram collocari voluit, A. C. 1018. Ex Comitatensi civitate liberam factam esle, et civitatibus Imperii annumeratam, a Maximiliano I. Imperatore A. C. 1504. refert Georg. Hornius, Orb. Polit.